07.02.2012 21:24
112 dagurinn
Búnaður sýndur á 112 deginum 2004.
Kjörið tækifæri er til þess að kynnast starfi sveitarinnar og tækjabúnaði. Kaffi verður á könnunni og rjómavöfflur á borðum.
Sýndar verða myndir úr starfi og leik, nýjar sem gamlar. Vonumst við til að sjá sem flesta á laugardaginn n.k. milli kl.14 og 18.
Bílafloti viðbragðsaðila á Hólmavík 2004.
Skrifað af ÚHP
05.02.2012 19:40
Námskeið
Nemendur hlusta andaktugir á leiðbeinanda sinn
Um nýliðna helgi stóð yfir hjá Björgunarsveitinni Dagrenningu námskeiðið Leitartækni.
Leiðbeinandi var Þórarinn Gunnarsson en hann kemur frá Flugbjörgunarsveitinni í Reykjavík .
Tíu félagar sóttu námskeiðið og lærðu þeir allt milli himins og jarðar um leitaraðferðir, og annað tengt tíndu fólki og þar á meðal sporarakningar.
Bæði var um bóklegt nám að ræða og verklegar æfingar. Í lok námskeiðs var próf sem allir nemendurnir stóðust með sóma.
Skrifað af ÚHP
18.01.2012 16:02
Dósakör
Söfnunarkar Björgunarsveitarinnar merkt í bak og fyrir svo fólk ætti ekki að misskilja tilgang þess.
Björgunarsveitin er núna komin með söfnunarkar við hús Sorpsamlagsins við Skeiði Hólmavík auk kars sem staðsett er við Rósubúð, hús Björgunarsveitarinnar.
Er það von forsvarsmanna sveitarinnar að þetta auðveldi íbúum svæðisins áframhaldandi rausnaskap við Björgunarsveitina og að sem fæstar flöskur og dósir fari í ruslið.
Söfnunarkar staðsett Hleynar megin við Rósubúð
Skrifað af ÚHP
18.01.2012 12:52
Námskeið
Rýnt í kortin á síðasta námskeiði sveitarinnar.
http://skoli.landsbjorg.is/Open/Course.aspx?Id=1996
Einnig er hægt að fá upplýsingar um námskeiðið og skráningu á það, hjá Úlfari Hentze 861 3289.
Skrifað af ÚHP
15.01.2012 12:30
Útköll
Mikið mæðir á Nissan Patrol sveitarinna þessa dagana. Hann er vel búinn tækjum á 44" dekkjum með glussaspili og með sjúkrabúnað, þ.m.t. sjálvirku hjartastuðtæki.
Hjálparbeiðni frá vegfaranda í vandræðum vegna ófærðar á Þröskuldum.
Tveir menn frá Dagrenningu fóru til hjálpar á Patrol sveitarinnar. Þegar til kom reyndust tveir aðrir bílar einnig fastir á svæðinu. Öllum hjálpað úr ófærðinni niður í Gautsdal og haldið heim.
Klukkan 21:12.
Fimmtán mínútum eftir lok verkefnis kom næsta hjálparbeiðni í gegnum neyðarlínuna og þá einnig vegna ófærðar á Þröskuldum en leiðin er merkt ófær á vef Vegagerðarinnar og ekki rudd á laugardögum. Á leið heim aftur var vegfarendum á leið upp Arnkötludal snúið við og bent á leiðina suður Strandir, sem þótti sjálfsagt mál af þeirra hálfu.
Seinna verkefninu lauk kl. 22:40
Upplýsingaskilti voru sett upp síðasta haust sitt hvoru megin leiðarinnar um Arnkötludal og Gautsdal um Þröskulda. Þau ættu að sýna vindhæð og hitastig og hvort leiðin sé ófær. Standa þau einhverra ástæðna vegna ótengd engum til gagns.
Skrifað af ÚHP
11.01.2012 22:10
Útköll
Patrol Björgunarsveitarinnar Dagrenningar við góð skilyrði.
Annars vegar var um að ræða vegfarendur sem fastir voru í snjó á Jepplingi á veginum um Arnkötludal. Hjálparbeiðnin kom laust eftir miðnætti og einum og hálfum tíma síðar var komið til Hólmavíkur með ferðalangana. Þess má geta að lélegt símasamband var á þeim stað þar sem bíllinn sat fastur, en tókst að senda hjálpabeiðni með SMS skilaboðum.
Hins vegar var jeppi fastur í Norðdal enn hann var að koma að vestan, en Steingrímsfjarðarheiðin var skráð ófær. Nokkuð tók á að komast upp Norðdal að bílnum. Hleypa varð úr dekkjunum niður í 4 pund og var góður kúludráttur á Patrol Björgunarsveitarinnar. Hjálparbeiðnin barst kl 20:45 og var komið í hús aftur kl. 23:00
Skrifað af ÚHP
11.01.2012 21:33
Styrktaraðilar
Eftirtalin fyrirtæki og einstaklingar styrktu flugeldasýningar
Björgunarsveitarinnar á gamlárskvöld og þrettándanum.
Björgunarsveitin Dagrenning þakkar þeim stuðninginn og einnig
þeim aðilum sem keyptu flugelda og á annann hátt styrktu
sveitina á umliðnu ári.
Arion Banki
Bjartur
Björn Halldórs Sverrisson
Fiskmarkaður Hólmavíkur
Gámaþjónusta Hólmavíkur
Hársnyrtistofa Heiðu
Hlökk
Hólmadrangur
Jónína Hólmfríður Pálsdóttir
Kaupfélag Steingrímsfjarðar
KK Vélar
Kópnes
Lovísa
Sjóvá
Sparisjóður Strandamanna
Strandabyggð
Strandafrakt
VÍS
Æður
GLEÐILEGT ÁR
Skrifað af ÚHP
21.12.2011 23:05
Auglýsing
FLUGELDASALA
FLUGELDASALA BJSV. DAGRENNINGAR HÓLMAVÍK VERÐUR Í BJÖRGUNARSVEITARHÚSINU RÓSUBÚÐ HÖFÐAGÖTU 9.
(gengið inn frá Hlein)
OPIÐ:
Fimmtudag 29. des. kl.
14.00 - 20.00
Föstudag 30. des. kl.
14.00 - 22.00
Gamlársdag 31. des. kl. 10.00 - 15.00
Áramótabrenna verður á Víðidalsárgrundum á
Gamlársdag kl.18:00 og flugeldasýning kl.18:20
Flugeldasala björgunarsveitarinnar Dagrenningar á þrettándanum er frákl. 15-18.
Flugeldum verður
skotið á loft frá hafnarsvæðinu kl.20.00
BJÖRGUNARSVEITIN DAGRENNING
ÓSKAR ÖLLUM GLEÐILEGS ÁRS OG ÞAKKAR STUÐNINGINN Á LIÐNUM ÁRUM
Skrifað af ÚHP
21.12.2011 12:46
Flugeldavinna
Vinnukvöld 21.12.2011 kl.20.00 i kvöld.Farið verður i uppsetningu flugeldasölu
kv Siggi
Skrifað af Siggi
19.11.2011 21:46
Námskeið
Félagar Björgunarsveitarinnar Dagrenningar Hólmavík í lok námskeiðs.
Nýlokið er hjá Björgunarsveitinni námskeið í Ferðamennsku og rötun.
Leiðbeinandi var Ingólfur Haraldsson frá Björgunarskólanum. Átta félagar sveitarinnar drukku í sig fræðin um kort og áttavita, GPS tæki ásamt ferðamennskufræðum.
"Og komið því svo inn í hausinn á ykkur!!"
Stefnan tekin á kortinu úti á mörkinni.
Skrifað af ÚHP
16.11.2011 20:51
Leit við Sólheimajökul
Sólheimajökull séður af leitarsvæðinu (mynd Ágúst Óskar)
Þrír af okkar mönnum voru sendir til leitar á svæði S.A af Sólheimajökli en tveir voru skipaðir til leitar á fjórhjólum sem með í för voru, vestur af Jökulsá á Sólheimasandi. Maðurinn fannst laust fyrir hádegið á jöklinum og tygjuðu okkar menn sig til brottfarar og komu þeir heim eftir sólahrings úthald, reynslunni ríkari.
Leitarsvæðin voru fjölbreytileg og hrikaleg (mynd Ágúst Óskar)
Skrifað af ÚHP
09.11.2011 22:25
Námskeið
Föstudaginn 18. nóvember n.k. verður á vegum Björgunarskólans haldið námskeiðið ferðamennska og þann 19. verður Rötun.
Þáttakendur skrái sig á landsbjorg.is eða hafi samband við formann eða ritara sveitarinnar.(sjá hér til hliðar undir "stjórn")
Áhugasamir nemendur í Rósubúð.
Skrifað af ÚHP
09.11.2011 13:08
Neyðarkallinn
Sala á Neyðakallinum fór fram um síðustu helgi.
Á föstudaginn vorum við í anddyri Kaupfélagsins og um kvöldið gengum við í hús á Hólmavík. Á sunnudaginn vorum við síðan aftur í Kaupfélaginu og óhætt er að segja að Strandamenn og aðrir sem á vegi okkar urðu, tóku þessari fjáröflun vel og hafi bestu þakkir fyrir.
Sigurður formaður Dagrenningar selur hér Hólmvískri blómarós neyðarkallinn.
Skrifað af ÚHP
02.11.2011 15:00
Ófærð og óveður
Vegna ófærðar hefur verið óvenju erilsamt hjá björgunarsveitinni undanfarna daga. Frá sunnudagskvöldinu síðasta hafa komið fimm útkallsbeiðnir í gegnum Neyðarlínuna. Bílum í tugatali var hjálpað af þröskuldum þessa daga og einnig af Steingrímsfjarðarheiði. Þröskuldar hafa verið lokaðir frá því á sunnudagskvöld en fólk leggur samt á leiðina jafnvel þó það þurfi að sveigja fram hjá lokunarmerkingum.
Skrifað af ÚHP
24.03.2011 18:52
Aðalfundarboð
Aðalfundarboð
Aðalfundur Björgunarsveitarinnar Dagrenningar verður haldinn
sunnudaginn 3. apríl n.k. í Rósubúð Höfðagötu 9.
kl. 17:30
Dagskrá: Venjuleg aðalfundarstörf.
Önnur mál.
Skrifað af ÚHP
- 1
Flettingar í dag: 36
Gestir í dag: 6
Flettingar í gær: 162
Gestir í gær: 55
Samtals flettingar: 112013
Samtals gestir: 31216
Tölur uppfærðar: 9.2.2012 10:34:57
